ලේක් හිලියර් යනු බටහිර ඕස්ට්රේලියාවේ දකුණු වෙරළට ඔබ්බෙන් වූ ගෝල්ඩ්ෆීල්ඩ්ස්-එස්පෙරන්ස් කලාපයේ රීචර්ච් දූපත් සමූහය සෑදී ඇති මිඩ්ල් අයිලන්ඩ් අද්දර පිහිටි කුඩා ප්රමාණයේ විලකි. එහි ජලයේ ඇති රෝස පැහැය නිසා එය විශේෂයෙන් ලෝකය පුරා ප්රසිද්ධ වී ඇත.
තරමක් දුරින් සිට බලන විට මෙම විල චුයිනගම් රෝස පැහැයෙන් දිස් වන අතර තරමක් ළං වන විට ජලයේ පැහැය විනිවිද පෙනෙන රෝස පැහැයකින දිස් වෙි. ඒ ආසන්නයේම ඇති රෝස විල සහ සෙනගාලයේ රෙට්බා රෝස විල වැනි විල් වල ජලයේ පවතින අසාමන්ය රෝස පැහැයට හේතු නිශ්චිතවම විද්යාඥයන් විසින් හෙලිදරව් කරගෙන ඇතත්, මෙම ලේක් හිලියර් හි ජලයෙහි රෝස පැහැයට හේතුව තවමත් අභිරහසක්ව පවති.
සමහරු අනුමාන කරන්නේ ලේක් හිලියර්ගේ වර්ණය අනෙක් විල් වල වර්ණය මෙන් ඉහළ ලවණතාවයේ ප්රතිඵලයක් වන අතර ලවණ සහිත පරිසරයේ වැඩෙන ඇල්ගී විශේෂයක් වන ඩුනාලියෙල්ලා සාලිනා සහ හැලෝබැක්ටීරියා ලෙස හඳුන්වන රෝස බැක්ටීරියා ඇතිවීමයි. කෙසේවෙතත්, උෂ්ණත්ව උච්චාවචනයන්ට අනුකූලව නිරන්තරයෙන් වර්ණ වෙනස් කරන අනෙකුත් රෝස විල් මෙන් නොව, හිලියර් විල වසර පුරා ජලයේ රෝස පැහැය පවත්වා ගන්නා අතර බෝතල් කළ විට පවා ජලය එහි රෝස පැහැය පවා රඳවා ගනී.
ජලයේ වර්ණයට හේතුව කුමක් වුවත් මෙම විලෙහි ජලය මිනිසුන්ට කිසිදු අනතුරුදායක බවක් වාර්ථා නොවන අතර දිවයින පර්යේෂණ කටයුතු සඳහා පමණක් භාවිතා කරන බැවින් සහ සංචාරකයින්ට එහා ළගා විය හැක්කේ හෙලිකොප්ටර් සවාරියක් මගින් පමණි.
No comments:
Post a Comment